NIHON

Isang buwan na lang , mag iisang taon na pala ko rito sa lupain ng mga sakang. Nihon kung tawagin nila ang kanilang bansa...Land of the rising sun sabi nila...Land of opportunity at land of LAPAD naman para sa mga kababayan nating Japayuki.

Lupain ng makabago at maunlad na teknolohiya
...Unang dating ko pa lang rito namangha na agad ako sa lufet ng sistema ng transportasyon nila. Kung ang sa Amerika ay ang salasalabat na flyovers at interstate highways, na akala mo ay hinabi tulad ng sapot ng gagamba, ang sa mga Hapon naman ay ang napaka kumplikadong linya ng mga tren. Kayang marating ang kasuluksulukan ng Japan sa pamamagitan ng mga ito. Nakapanliliit tuloy isipin pag ikinukumpura ko ang transportasyon sa Pinas. Pag pinagtabi mo ang dalawang bansa para bang nasa Jurassic Age pa lang tayo :) Para nga siguro itong ID ng mga mayayamang bansa tulad ng Japan, na di man tuwirang sabihin ay nararamdaman mong ipinapahiwatig na eto kami , eto ang yaman namin.
...Saan ka man magpunta kapansinpansin ang teknolohiya kahit sa payak na kaanyuan lamang. Usong uso sa kanila ang mga Vendormachine...huhulugan na lang ng pera para makuha mo ag produkto o serbisyo na nais mo. Mapa yosi, softdrinks,snacks,tiket sa tren,tiket sa kainan,paggamit ng mga public locker, pagbayad sa mga bus, at maging paggamit ng mga public computers para sa internet.
...Tulad sa Pinas text adik rin ang mga tao rito. Laganap rin ang ketai o cellphone sa mga Nihonjin. Yun nga lang iba ang sistema na kanilang ginagamit. Kakaiba sa nakasanayan nating GSM sa Pinas. Kaya nakakainis para sa mga kababayan natin na umuuwi kasi magka cellphone man sila rito di naman nila maiuuwi sa Pinas dahil di rin naman gagana. Gumamit kasi sila ng sarili nilang sistema ung tinatawag na i-mode na mas advance kumpara sa Europe at US. Laganap na rito ang 3rd generation ng cell phone na kung saam maari ng makapagsend ng mga streaming videos, subalit sa Europe at US e halos nagsisimula pa lamang. Ganun talaga ang mga Hapon e gusto nila may sarili silang sistemang ginagamit. Maging sa pagsulat nga e, minodify nila ung sulat ng mga Intsik at gumawa sila ng sarili nilang mga titik na ayon sa kanila ay simplified raw.
...Nagkalat rin rito ang maraming mga electronic gadgets na mabibili mo sa murang halaga lalo na sa mga secondhand shop. Ang kaledad ng mga mabibili mong secondhand na gamit ay di rin nalalayo sa bago...d pa laspag. Ang isang maghapon na lang na ikutin mo ang Akihabara mahihilo ka na at magsasawa sa dami ng mga electronic products.

Marami pa kong di napupuntahan, nalilibot, nagagawa at natutunan rito sa Japan, subalit maituturing ko na rin na magandang alaala ang paninirahan ko rito sa Japan. Masarap rin manirahan rito kaya nga lang malayo sa mahal ko. Ilalagay ko na lang sa garapon ng mga alaala ko ang bansang Nihon