Ilang linggo na ring hindi ko nasisidlan ang aking "garapon". E paano ba naman lintik na trabaho 'to para na kong kalabaw kung kumayod !!! Tatlong magkakasunod na linggo dumaan ako sa matatawag na "hell week" . Di na kasi ko magkandaugaga sa dami ng trabaho. Pati ba naman Sabado't Linggo pasok pa rin... Unti unti na ata akong nagiging Nihonjin , na umuuwi lang sa bahay para matulog ...wala ng social life. Pambihira talaga imbis na i-blog ko itutulog ka nalang .
Kaya naman nitong mga nakaraang araw bawi naman. Ayoko na ayoko na ayoko na magtrabaho!!! It's time for BATUGAN MODE. Babangon lang para kumain ... ayun e wala pang lutuan kain na lang sa Matsuya (isang murang kainan rito). Mula umaga hanggang gabi sa kwarto lang nakahilata, nakatunganga, nagmumuni ng kung anu-ano na wala namang katuturan. Di namamalayan maghapon na pala ang nagdaan. Naku nakalimutan ko na atang maligo hehehehe. Panood-nood ng dvd pero di naman natatapos dahil mayamaya lang tulog na naman. Hay ang sarap maging batugan.
Ang sarap siguro ng buhay ng mayayaman, yung mga di na kailangang magtrabaho para mabuhay. Ganito rin kaya yun.
Kaso ang prublema lalaki na naman ang mga baby fats ko sa chan pag lagi kong ganito ;))
No comments:
Post a Comment