Pagkatapos ng isang mahabang hiatus sa paglalagay ng entry dito sa blog ko ay bigla na lang akong umusbong na parang kabute... ano nga ba talaga ang nangyari? Ang totoo nyan e napakaraming mahahalagang bagay ang nangyari sa aking buhay subalit nakaligtaan kung isilid rito sa aking garapon. Tulad ng title ng entry na ito, "return of the comeback", naging isang redundancy ang buhay ko. Paulit-ulit sa paggawa ng pareparehong bagay araw-araw. Same old shit different day.
Pinilit kong isilid sa garapong ito ang mga nangyari sa kin, subalit
lubha akong abala, masyadong mabilis ang takbo ng buhay rito sa Japan,
masyado ring mabilis akong natangay sa agos nito. Kaya ngayon ay heto
pinipilit i-composed ang mga bagay bagay, hinay-hinay konti, kapit muna
sa king garapon. Iba pa rin talaga ang pakiramdam ng nailalabas ang mga
pansarili kong sentimento. Para akong may matalik na kaibigan, yun nga
lang isang garapon, hehehe.
Sana ay magtuloy-tuloy ng magkaroon ako ng dedicated time sa pagsulat
ng mga entry sa blog na ito. Naway ang mga kwento, aral, puna at kung
anu-ano pang mahahalagang bagay na mailalagay ko rito ay makatulong sa
aking sarili upang himayin ang mga nangyari na, namnamin ang kasiyahang
dulot ng mga nangyayari sa aking buhay, at lagyan ng direksyon ang mga
bagay bagay na tatahakin ko pa.
No comments:
Post a Comment