BBFILIPINO

Nitong nakalipas na mga buwan isa sa mga kumain ng oras ko ay ang paga-arubaito(extra job) ko sa BBFILIPINO.

Ang BBFILIPINO (BroadBand Filipino) ay isang web service (http://www.bbfilipino.com) na kung saan maaring mapanood ang mga palabas sa telebisyon sa Pilipinas. Actually isa itong video streaming website kagaya ng mga napapanood natin sa YOUTUBE,YAHOO MOVIES o sa MSN VIDEOS. Lumalabas na para itong isang cable service na ang ipinagkaiba nga lamang ay internet based lang ang BB at limitado lamang sa mga palabas sa local tv sa Pinas ang mapapanood rito.Ito ay nasa trial phase pa lang kung kayat pawang mga Pinoy rito sa Japan pa lang ang target na market nito.

Nagkataong naging kadikit ko ang may ari nito kung kayat maswerteng nahila ko para magtrabaho. Customer assistance ang trabaho ko rito. Ako ang nag aassist thru phone sa mga customers kapag may katanungan sila sa pagpapasubscribe, paraan ng pagbabayad, subsciption status, pag connect for the first time, at kung anu-ano pa . Pero nung kalaunan ay pati mga technical aspect ay sakop ko na rin like pagsetup or pagtroubleshoot ng pc ng customer na kung minsan ay sinasadya ko pa sa kanilang bahay. Generally basta lahat ng mai-encounter ng customer na prublema sa pag connect sa BB, lahat yun parte ng trabaho ko.

Hindi gaanong mabigat ang trabaho kung tutuusin. Dahil all the time naman e nakaupo lang ako para sumagot sa tawag ng mga customer.Yun nga lang paminsan-minsan ay makakatagpo ka ng mga masusungit na customer lalo na pag nasisira ang server ng BB, katakut-takot na paliwanagan. Enjoy rin naman dahil karamihan ng mga subscribers ay naging kaibigan ko na rin. Lalo tuloy nadagdagan ang circle of friends ko rito sa Japan. Broadband na rin pati mga kaibigan ko. Nung una ay nahirapan ako dahil yung oras na dapat ay pahinga na ko pagkagaling sa una kong trabaho, ay siyang nagiging simula pa lamang ng pangalawa kong trabaho. Subalit ng lumaon ay naka-adjust na rin ang katawan ko dagdag pa rito ang kasiyahang dulot sa kin dahil nag-eenjoy na rin ako sa aking ginagawa. Isipin mo nga naman dumadami na kaibigan ko nadadagdagan pa budget ko, hehehe.
Nakakatawa ngang isipin na kung minsan ay mas nageenjoy na ko sa ginagawa ko sa BB kesa sa totoong trabaho ko sa opisina. Bakit kaya? Nabobore lang ba ko sa opisina? O dahil ba mas malaki ang bayad sa kin per hour rito sa BB kesa sa opisina. Ang totoo ay di ko sigurado kung bakit, pero sa tingin ko ay dahil na rin patuloy na dumarami ang kaibigan ko sa BB. At siguro, ayun ang mas mahalaga para sa akin, ang mapalibutan ng maraming kaibigan.