PAGLALAKBAY

ako'y naglalakbay...
nagtungo sa ibang bayan
hangad ang masaganang buhay,
mapagbuti ang kalagayan

batid kong sa simula pa lang
na lahat ay panandalian
'pagkat akoy may iniwanang
isang pusong pinangakuan,

aming mga landas
muling pagtatagpuin
sa tamang oras,
sa tamang pagkakataon

ako'y naglalakbay...
at sa aking paglalayag
nalihis sa aking malay
nawala sa pagmamatyag

ibang direksyon na pala
ang aking tinatahak
lubhang naging abala
naisantabi ang dating balak

paikot-ikot lang naman
walang pinatutunguhan
usad ay dahandahan
lalong natagalan

ako'y naglalakbay...
nawaglit sa aking isipan
na may pusong nagaantay
sa pagkakalayo'y nahihirapan

ako'y natauhan
ngayon na ang panahon
upang ipihit ang timon
pabalik sa iyong direksyon

mapanganib na karagatan
ang akin pang lalakbayin
sana ay antayin
sa aking pagdating...