OPERATION DAGDAG BAWAS UPDATE

Mahigit dalawang buwan mula ng simulan ko ang operation dagdag disiplina bawas timbang ay may mga kapansin-pansin ng pagbabago sa aking katawan. Karamihan rin ng mga nakakakita sa akin na kakilala ay nagsasabing namayat raw ako. Pansin ko rin sa aking sarili na gumaan ang pakiramdam ko. Di na ako hingal sa mga konting lakaran lang. Kapansinpansin rin na nabawasan ang taba ng aking mukha. Hindi ko na nagagamit yung extra hole na nilagay ko sa sinturon ko noon para lang maisara ang aking pantalon. Noong bago ako magsimula ay nasa 81 kilos ang timbang ko. Ngayon ay nasa 77
kilos na lang. Di gaano kalaki ang binawas pero natutuwa ako sapagkat nakikita ko na may resulta.

Ang balak ko ay sabayan na ng pag gi-gym kapag bumaba na ko ng 75 kilos para matanggal rin yung mga unwanted fats sa ibang parte ng aking katawan. Isang pinuproblema ko ay yung sa tiyan dahil parang ang hirap tanggalin. Although nabawasan konti ay malaki pa rin.

Kailangan pa sigurong dagdagan ang disiplina at tiyagang magexercise. Paminsan minsan kasi ay umiiral pa rin sa aking ang katamaran na maglakad pauwi. Sa pagkain naman ay nagulat ako sa aking sarili sapagkat kontrolado ko na yung aking appetite. Hindi na ako kagaya dati na sa tuwing nakakramdam ng gutom ay kain agad. Parang natuto na yung tyan ko na makontento sa kung ano lang ang ipinapasok ko sa kanya.

Andito na yung momentum sana maituloy tuloy ko na to. Gambaremasu!!!