Noong Lunes ay nanood ako ng SONA ng pangulo. Ito raw ang pinakamahabang naging talumpati ng pangulo. Mahaba nga dahil umabot ata ng isang oras mahigit.
Nanunuod talaga ako kapag may SONA ang pangulo. Magandang pagkakataon ito upang malaman kung anu-ano na ba ang nangyayari sa ating bansa bukod sa pang arawaraw na balita na naririnig natin na puro batikos na lang at kung anu-anong negatibong bagay. Minsan tuloy matatanong mo wala na bang magandang nagagawa ang pamahalaan dahil ang lagi na lang pinaguusapan ay tungkol sa katiwalian at pagpapalitang ng kanyakanyang baho ng mga pulitiko. Nauubos ang panahon ng mga pulitiko lalo na ang mga mambabatas sa mga bagay na wala namang katuturan. Samantalang maraming mas importanteng mga bagay ang naghihintay ng kanilang pansin. Nabanggit nga ni dating Pangulong Ramos kahapon na ang kasalukuyang Lehislatura ang isa sa mga unproductive in terms of naipasang bill sa ating kasaysayan. E paano nauubos sa kakainquiry ng kung anu-ano na wala namang kinalaman sa pagunlad ng ating bansa. Kapag may lumabas na scandal o kahit anong mainit sa media, asahan mo tatawagin na ito for Senate or Congressional inquiry. Ang dahilan nila ay for aid of Legislation daw.Kalokohan!!!Nakatulong kaya ang kanilang mga ginawang inquiry?O sa pagsulong lamang ng kanilang pansariling interes ito nakatulong.
Tuwing may SONA ang kahit na sinong pangulo asahan mong puro papogi points ang sasabihin nito. Maganda ang naging SONA ng pangulo sa puntong idinetalye nya ang mga hakbangin na tinatahak at tatahakin pa ng ating bansa tungo sa kaunlaran. Hind kagaya noong mga nakaraang SONA na masyadong general ang mga accomplishments at plans. Maganda ito dahil konkreto mong makikita na may nangyayari at mayroong mga plano na nakaset para sa hinaharap. Kung titignan mo parang ambitious masyado yung plan. Pero mabuti na yon ika nga e aim high.Sana nga lang ay totoo ang sinabi nya na ang lahat ng iyon ay may pagkukuhaan na ng pondo.
Hindi ko lang nagustuhan ay parang naging OA naman ata yung isa-isang binabanggit at pinpasalmatan ng pangulo ang pangalan ng kanyang mga allies. Lumalabas tuloy na parang pay back time ang speech na iyon ng pangulo na kung saan pinasasalamatan nya ang kanyang mga allies sa pamamagitan ng pagbanggit sa pangalan ng mga ito .In efffect parang nabahiran tuloy ng pulitika na naman.
Isang malinaw na punto ang pinagmamalaki ng pangulo sa kanyang SONA . May pera na raw ang Pilipinas. Ito ay dulot ng mga fiscal reforms na sinimulan dalawang taon na ang nakakalipas, kasama na rito ang pagpapatupad ng EVAT . Dahil rito ay maari na raw nating sustentuhan ang ibat ibang proyekto sa ating bansa. Sa kanyang inilahad na plano ay hinati nya ang bansa sa mga tinatawag na super regions. Sa ganitong paghahati ay matututukan ng maigi ang likas na potensyal ng naturang rehiyon. Kagaya na lamang ng North Luzon Quadrangle region na kung saan ang mga repormang gagawin ay nakatutok sa agrikultura na siyang natural strength ng naturang lugar. Mas palalakasin raw ang papel ng mga local government sa pagpapatupad ng mga programa. Dito ay makikita natin na unti unti na tayong inihahanda sa isang federal form na gobyerno na kung saan ang mga indibidwal na rehiyon ay may kanyakanyang gobyerno independente sa national government. Sa aking pananaw lamang ay mas mabuti ang ganitong approach dahil kung isasaalang alang ang geographical structure ng ating bansa, na kung saan maraming islang watakwatak at ang kultura ay diversified, magiging mabilis ang implementasyon ng mga programa kung ito ay manggagaling sa lokal na gobyerno.
Maganda ang plano. Sana ay hindi manatiling plano na lamang ito sa hinaharap. Naway ang pera na sinasabi ng pangulo na nalikom na natin ay magamit sa wastong paggagamitan nito at hindi sa pansariling kapakanan lamang .Mabawasan na rin sana ang pamumulitika ng mga pulitikong ambisyoso. Imbis na gugulin sa pagrereklamo ang kanilang mga oras ay isipin na lang nila kung ano ang kanilang maitutulong sa ating bansa. Ika nga ni Uncle JFK and I quote " think not what your country can do for you but what you can do for your country"
Kahit malayo ako sa Pilipinas ay nakakagaan ng loob kapag nakakarinig ng magandang bagay tungkol sa ating bansa. Syempre mahal ko pa rin ang Pinas.
Kaugnay sa SONA ng pangulo natatawa ako habang nanunuod ng balita kahapon. Kasi ay may nasirang megadike sa Central Luzon pagkatapos ng isang napakalakas ng bagyong dumaan sa atin. At habang iniiinterview ang isang lokal na opisyal sinabi nito na wag tayong magalala may pera na naman ang gobyerno mula sa pangungulekta ng EVAT ( ang tinutukoy ay ang binanggit ng pangulo sa SONA)maayos rin to.Hay talaga nga naman ang noypi
