KAPALARAN

Lagpas isang taon ko na itong nasimulan. Akala ko nga ay nawala na. Ginawa ko para sa kanya Ibibigay
ko sana noong espesyal na araw na iyon...

akoy naniniwala
na ikaw ang itinadhana
mula pa sa simula
isinulat na ni Bathala

paano ko magagawa
na alisin sa alaala
ang isang tulad mo
nakaukit na sa king puso

libu-libo mang milya
ang pagitan nating dalawa
sadya yatang mahiwaga
patuloy na kinakaya

baon ang iyong alaala
kalakip aking pagsinta
mabisang sandata
laban sa pangungulila

patuloy sa pakikibaka
tadhana ang bahala
ako'y umaasa
tayo rin ang magsasama.

ako'y naniniwala
na ikaw ang itinadhana...

sabay kuha sa gitara to the tune of:

Play Music


KAPALARAN (MAKULAY NA BUHAY)
by: Kitchie Nadal
from : theme of "I Luv NY"


Unti-unting napag-iiwanan ng panahon
Sa aking paglalakbay
Mula hilaga, timog, silangan
Di mapipigil marating lang ang kanluran
Kapalaran na ika'y matagpuan
Taglay mo ang liwanag sa makulay na buhay
Kapalaran, na ika'y matagpuan
Taglay mo ang liwanag sa makulay na buhay

Inamin nararamdaman, inamin din kahit di ko kasalanan
Saksi ang kalangitan
Baliw man o martir ang itawag mo
Sa paso ng pag-ibig ko'y di madala

Kapalaran na ika'y matagpuan
Taglay mo ang liwanag sa makulay na buhay
Kapalaran, na ika'y matagpuan
Taglay mo ang liwanag sa makulay na buhay
Hangad ko ay hindi magpa-awa o patawarin ka
Sa buhay na daig pa ang telenobela