Habang off season ang Smallville at Lost nahohook-up ako ngayon sa panonood ng Prison Break, Isang kapanapanabik na series sa US. Kakaiba ang concept nya . Nasiyahan ako sa mga unang episodes na napanood ko so f ar. Tungkol ito sa isang engineer na sinadyang mangholdap ng bangko upang makulong kasama ng kanyang nakakatandang kapatid sa isang maximum security na kulungan. Ang kanyang nakatatandang kapatid ay hinatulan ng kamatayan sa kasong pagpatay sa kapatid ng vice president ng America. Pinaniniwalaan ni Michael na naframe-up lang ang kanyang kapatid ng isang maimpluwensiyang tao kung kayat nagpakulong sya upang itakas ang kanyang kapatid bago ito mabitay . Ang pagkakapasok nya sa kulungan ay planado lahat . Alam niya ang kasuluksulukan ng kulungan dahil ang kanyang pinagtratrabahuhang kumpanya ang siyang nagdesign at gumawa ng maximum security prison na iyon, kayat di kataktaka na tukoy nya kung asan ang weakest point ng security. Exciting ang bawat episode dahil aabangan mo ang kalalabasan ng kanyang mga hakbang. Para siyang MacGyver sa diskarte at pagkamaparaan.Nakakamangha na ipinatatoo nya sa kanyang buong katawan ang blueprint ng state penitentiary na iyon. Subalit itoy itinatoo sa kakaibang paraan na hindi mo mapapansin na mapa pala yung nakatatoo kung di mo pagmamasdan maigi. Para syang Yakuza pero astig ang dating ng tatoo nya. Nakakakaklahati pa lang ako sa mahigit dalawampung episode ng season 1 nito. Gusto ko na nga sana imarathon ng panood e, kaso ang daming ginagawa. Sana Sabado na para makapanuod ako ng derederecho.
No comments:
Post a Comment