OPERATION DAGDAG BAWAS

Mukhang kailangan ko ng mag operasyon dagdag bawas . Hindi mandaya sa eleksyon ha, operation dagdag disiplina bawas taba. Simula noong nakabalik ako galing sa Pilipinas noong January bumaba na ako ng mga 6 na kilo. Ayun ay dahil sa bigat at haba ng trabaho ko noong nakalipas na dalawang buwan. Yun ngang wala pang effort ay nabawasan na ko ng timbang. Iniisip ko ano kaya kong dagdagan ko pa ng tamang disiplina sa pagkain at pageehersisyo. Noong isang linggo ay sinimulan ko na ang operation dagdag bawas:

OPERATION BAWAS KANIN - Dalawang beses lang naman ako kumain sa isang araw. Paminsan-minsan lang ako makapag-agahan. Ganito na yung nakasanayan ko kahit na sa Pinas pa lang. Sa tanghalian ay nabili na lang ako ng obento sa opisina. Kung tutuusin ay walang prublema rito dahil balance diet naman ang kadalasang rinarasyon na obento sa amin at tamang tama lang ang kanin. Sa hapunan ay sinimulan ko na ang pagkain ng vegetable salad lang at prutas. Noong unang dalawang araw ay nanibago ako dahil bitin sa kain pero bago matapos ang linggo ay nasanay na ata ako na ganito lang ang kain. Naghahanap pa nga ako ng iba pang pwedeng recipe ng salad. Definitely sa gabi ay wala ng kanin. Iniiwasan ko na rin na kumain pa ng mga tsitsirya bago matulog dahil ito yung nakasanayan ko na sa gabi.
OPERATION BAWAS COLA - napakalakas ko uminom ng cola o kung hindi man ay kahit na anong carbonated drinks. Kung dati ay may stock pa ako ng mga in-can na beverages sa fridge, ngayon ay wala na. Mineral water na lang saka tea ang iniinoim ko. Kapag nasa labas naman at nakain sa mga fastfood at family restaurant ay iwas na rin ako sa softdrinks. Kalimitan ay mga fruit juices na lang. Sa opisina ay puro naman ako green tea saka tubig habang nagtratrabaho.
OPERATION BAWAS LAKLAK - isang iniiwasan ko na rin ay ang pag-inom ng maraming alak. Syempre kasama na rin ang pagkain ng mga pulutan na siguradong nakakataba. Paminsan minsan na lang ang inom kapag may okasyon na lang. Dito yata lumaki yung tiyan ko sa kakainom ng beer madalas at pagkain ng mga mamantikang pulutan.
OPERATION DAGDAG LAKAD - sabi nila ay isang magandang ehersisyo ang paglalakad. Araw- araw ay 10mins ako naglalakad papunta at pabalik ng train station. Pero bale wala naman ito kumpara sa dami ng nadadagdag sa kin sa pagkain. Kaya simula nung isang linggo ay naglalakad na ako mula Hatcho Nawate station hanggang sa bahay namin. Mga 2 kilometro ang layo nito at inaabot ako ng mga 30 mins bago makarating ng bahay.

Ang balak ko sa simula ay ganito muna para wag mabigla ang katawan ko. Kapag medyo nasanay na ay dadagdagan ko pa ang layo ng aking nilalakad . Siguro ay mula Kawasaki station (mga 3km. ang layo) ko sisimulan, mga 45 mins na lakaran siguro yun. E sabi nga nila di ba "one giant leap begins with a single step". Tama na muna itong panimula. Ayoko naman puwersahin ang sarili ko na magpunta sa gym araw-araw para magbuhat ng weights. Eventually siguro dun din punta ko kapag feeling ko ay nakaka-adapt na at capable na yung katawan ko. But for the meantime ay operation dagdag lakad na lang muna ako.
OPERATION DAGDAG SIPAG - eto ang pinakamabigat kong dapat idagdag . Kailangan ay sipagin ako para maisakatapuran ang lahat ng operation na ito. Pero so far naman ay di pa naman napalya. Malapit na ang summer rito. Around August ay baka mapapunta na naman kami sa beach kaya kailangan ay medyo pang-Hunks ang dating natin hehehe. Kailangan ay ma-motivate ako na ituloy ang lahat ng ito.

Noong bago ko magsimula ay nasa 81 kilos ang timbang ko. Ayon sa Medical Exam ko last week ay 66 kilos ang aking healthy weight. Parang mission impossible yata ito. Pero anyways there's no harm in trying. Hindi ko man maabot yung eksaktong timbang ay at least mapababa ko man lang.